ہنزہ: ہنزہ جھیل سے پانی کا رساؤ بڑھ جا نے سے جھیل میں پانی کی سطح کم ہو کر تین سو باون اعشاریہ چھ فٹ ہو گئی ہے ۔ جبکہ پانی آبادیوں میں داخل ہو رہا ہے۔

جھیل میں روزانہ دو ہزار آٹھ سو کیوسک پانی داخل ہو رہا ہے جبکہ پانی کا اخراج ایک سو پچاس کیوسک ہے ۔ پانی کو اسپل وے تک پہنچنے کیلئے فاصلہ گیارہ اعشاریہ پانچ فٹ رہ گیا ہے۔ نیشنل ڈیزاسٹرمیجنمنٹ کے سربراہ جنرل ریٹائرڈ ندیم احمد نے آج جھیل سے متاثرہ علاقوں کا دورہ کیا اور انتظامات کا جائزہ لیا ان کا کہنا تھا کہ جھیل سے پانی کے اخراج کی صورت میں زیادہ نقصان کا خدشہ نہیں ہے ۔ انھوں نے کہاکہ جھیل سے پانی کے اخراج کی تاریخ نہیں دی جاسکتی ہے ۔

دوسری جانب ڈاؤن اسٹریم میں واقع کئی آبادیوں میں اب تک انتظامیہ کی جانب سے خاطر خواہ انتظامات نہیں کئے گئے ہیں جس کی وجہ سے رحیم آباد ، نومل، دنیور، اوشکھنداس ، جلال آباد سمیت ضلع دیامر کے لوگ شدید خوف و حراس کا شکار ہیں ۔ ان علاقون کے عوام نے حکو مت سے اپیل کی ہے کہ ان کو بھی ہنزہ کے متاثرین کی طرح ریلیف دیا جائے