اسلام آباد(کے ٹو ) پیپلزپارٹی کی مرکزی سیکرٹری اطلاعات فوزیہ وہاب نے گلگت بلتستان میں خاتون گورنر کے تقرر کے حوالے سے کہاہے کہ گورنر کے عہدے کیلئے ابھی مناسب خاتون نہیں ملی تاہم تلاش جاری ہے جبکہ صدر مملکت کی میڈیا ایڈوائزر اور رکن قومی اسمبلی فرح ناز اصفہانی نے کہا فوزیہ وہاب کو ہی گورنر گلگت بلتستان بنانا چاہتے ہیں سابق وفاقی وزیراطلاعات شیری رحمن نے کہا ہے کہ انہیں گلگت بلتستان کا گورنر بننے کا کوئی شوق نہیں بدھ کے روز اسلام آباد میں کے پی این سے گفتگو کرتے ہوئے پاکستان پیپلزپارٹی کی مرکزی سیکرٹری اطلاعات فوزیہ وہاب نے کہا کہ گلگت بلتستان کیلئے گورنر کا ابھی تک حتمی فیصلہ نہیں کیا گیا ہے تاہم اس حوالے سے بات چیت ہورہی ہے انہوںنے کہاکہ گلگت بلتستان کی گورنر کیلئے ابھی کوئی مناسب خاتون نہیں ملی تاہم تلاش جاری ہے فوزیہ وہاب نے کہا کہ گلگت بلتستان کی گورنر خاتون ہی ہوگی وہ مقامی ہوگا انہوںنے کہا کہ جلد گورنر کا تقرر عمل میں لایاجائے گا انہوںنے ایک سوال کے جواب میں کہا کہ پارٹی کے حتمی فیصلے سے قبل کسی کانام لینا مناسب نہیں لیکن جلد یہ معاملہ طے پا جائیگا اس حوالے سے صدرآصف علی زرداری کی میڈیا ایڈوائزر ورکن قومی اسمبلی فرخ ناز اصفہانی نے کہا کہ فوزیہ وہاب کو بھی ہم گورنر گلگت بلتستان بنانا چاہتے ہیں انہوںنے کہا گلگت بلتستان کاگورنر غیر مقامی ہو تو بھی کوئی ہرج نہیں ہے فرح ناز اصفہانی کے اس جملے پر فوزیہ وہاب مسلسل ہنستی رہیں اورکوئی جواب نہیں دیا رکن قومی اسمبلی شیری رحمن سے اس حوالے سے پوچھا گیا تو انہوں نے کہا کہ گورنر گلگت بلتستان کے تقرر کے حوالے سے مجھے کوئی علم نہیں اور نہ ہی مجھے گلگت بلتستان کا گورنر بننے کا کوئی شوق ہے انہوںنے اس بات کی بھی تردید کہ ان کا نام بھی گورنر کیلئے زیر غور ہے